ամենաօգտակար համեմունքներից մեկն է: Ունի արտահայտված հակաբորբոքային, հակաօքսիդանտ և երիտասարդացնող հատկություններ: Քրքում համեմունքի օգտակար հատկությունները պայմանավորող հիմնական բաղադրիչը կուրկումինն է:
Խորհուրդ է տրվում ամեն առավոտ օգտագործել քրքումի ջուր: Գոլ ջրին պետք է ավելացնել քրքումի փոշի և խառնել, որպեսզի այն ամբողջությամբ լուծվի:
Ինչու՞ օգտագործել քրքում .
Մեղմացնում է հոդացավերը: Երբեմն քրքումը համեմատում են դիկլոֆենակի հետ, որն ունի արտահայտված ցավազրկող և հակաբորբոքային ազդեցություն:
Կարագավորում է «շաքարի» քանակը: Քրքումի օգտագործումը, 2-րդ տիպի դիաբետի դեպքում, նպաստում է արյան մեջ գլյուկոզի (շաքար) կարգավորմանը:
Ունի հակաբորբոքային ազդեցություն: Քրքումը բարերար ազդեցություն ունի բորբոքային հիվանդությունների ժամանակ:
Կարգավորում էմարսողությունը: Քրքումն ունի լեղամուղ հատկություն և դրա շնորհիվ կարգավորում է մարսողական համակարգի աշխատանքը, հատկապես ճարպոտ սնունդ օգտագործելու դեպքում:
Ունի լյարդապաշտպան հատկություն: Քրքումը նպաստում է հեպատոցիտների վերականգնմանը:
Բարելավում է ուղեղի աշխատանքը: Հետազոտությունները ցույց են տվել, որ քրքումը խթանում է հատուկ հորմոնի (գլխուղեղի նեյրոտրոֆիկ գործոն) արտադրությունը: Այդ հորմոնը հանդիսանում է ուղեղի ֆունկցիաները բարելավող միջոց և պաշտպանում է ուղեղը վաղաժամ ծերացումից (Ալցհեյմերի հիվանդություն, ծերունական թուլամտություն և այլն):
«Երիտասարդացնում» է օրգանիզմը: Քրքումն ունի հակաօքսիդանտ հատկություններ և կանխարգելում է օրգանիզմի վաղաժամ ծերացումը:
«Հիմնայնացնում» է օրգանիզմը: Քրքումը հիմնային համեմունք է: Քրքումն օրգանիզմի ներքին միջավայրը շեղում է դեպի հիմնային, որը կանխարգելում է նորագոյացությունների առաջացումը:
Կանխարգելում է սիրտ-անոթային հիվանդությունները: Քրքումը կանխարգելում է թրոմբի առաջացումը:
