Ի՞նչ է պոլինոզը
Պոլինոզը . սեզոնային բնույթ կրող ալերգիկ հիվանդություն է, որը գերազանցապես ախտահարում է վերին շնչառական ուղիների և աչքերի լորձաթաղանթները: Պոլինոզի հիմնական պատճառը տարբեր բույսերի և ծառերի ծաղկափոշին է: Կախված բույսերի փոշոտման ժամանակահատվածից՝ տաբերում են պոլինոզի սրացման գարնանային, ամառային և ամառային-աշնանային ժամանակաշրջաններ:
Պոլինոզի սիմպտոմների արտահայտվածությունը կրում է խիստ սեզոնային բնույթ, հիվանդի վիճակը անմիջապես կապված է նաև եղանակի հետ: Չոր և քամոտ եղանակի դեպքում սիմտոմներն ավելի արտահայտված են, ի տարբերություն խոնավ և անձրևոտ եղանակի:
Հիվանդության արտահայտման հիմնական նշաններն են վերին շնչառական ուղիների և աչքերի լորձաթաղանթի միաժամանակյա ախտահարումը:
Ամենահաճախ հանդիպող սիմպտոմներն են.
ալերգիկ ռինիտը, որին բնորոշ է.
- քթի շրջանում ուժեղ քոր,
- կոկորդում քերոցի զգացողություն,
- նոպայաձև փռշտոց,
- առատ արտադրություն քթից,
- քթի փակվածություն:
Աչքերի շրջանում բնորոշ է.
- քորի և այրոցի զգացողությունը,
- աչքի մեջ օտար մարմնի առկայության զագացողություն,
- լուսավախություն, արցունքահոսություն
- եղջերաթաղանթի կարմրություն,
- կոպերի այտուցվածություն:
Երբեմն կարող է դիտվել նաև մաշկի ախտահարում, ալերգիկ մաշկաբորբի տեսքով: Մաշկին բնորոշ է.
- Ցանավորում
- Եղնջացան
- Ենթամաշկային այտուց
Որպես կանոն երկու աչքերն էլ ախտահարվում են:
Կարող է լինել բրոնխիալ ասթմայի երևույթներ
- հազ,
- շնչառության դժվարացում,
- շնչարգելություն,
- կրծքավանդակում խզզոցներ:
Ըստ ծանրության աստիճանի պոլինոզը լինում է թեթև, միջին և ծանր արտահայտվածության: Միջին և ծանր աստիճանի դեպքում կարող են դիտվել ինտոքսիկացիայի երևույթներ՝ թուլություն, հոգնածության զգացում, քնկոտություն, գլխացավ, ջերմության բարձրացում՝ կարող է հասնել 39 ատիճանի: Ծանր աստիճանի կամ ոչ ադեկվատ բուժման դեպքում կարող են լինել նաև հիվանդության բարդություններ երկրորդային ինֆեկցիայի միացման դեպքում՝ թարախային կոնյուկտիվիտ, հայմորիտ, բրոնխիտ, թոքաբորբ:
Ախտորոշումը դրվում է ալերգոլոգիական անամնեզի, ալերգենների մաշկային փորձի միջոցով, յուրահատուկ իմունոգլոբուլին E-ի որոշումով:
Բուժումը
- ալերգենի հետ շփման բացառում
- անհրաժեշտության դեպքում հորմոնալ պրեպարատներ
- հակահիստամինային պրեպարատներ
Հակահիստամինային շարքում հատուկ տեղ է գրավում Ֆենկարոլը: Այն արյդունավետ հակահիստամինային պրեպարատ է: Ցանավորումը և քորը նվազեցնելուց բացի նվազեցնում է նաև ռինոկոնյուկտիվիտին բնորոշ երևույթները: Ֆենկարոլը անվտանգ է, օժտված լավ «տանելիությամբ»: Նշանակվում է նաև երեխաներին՝ մինչև 3 տարեկան երեխաների համար դեղամիջոցը բացառապես պետք է օգտագործել բժշկի նշանակմամբ:
Դեղն ունի հակացուցումներ, այն օգտագործելուց առաջ, նպատակահարմար է խորհրդակցել ձեզ բուժող բժշկի հետ:
