Հեշտոցի քսուկի հետազոտություն. ինչպես պատրաստվել

Հեշտոցի քսուկի հետազոտություն

Հեշտոցից վերցված քսուկի լաբորատոր հետազոտությունը թույլ է տալիս պատկերացում կազմել կնոջ միզասեռական օրգանների վիճակի մասին՝ միզուկ, հեշտոց, արգանդի վզիկ:

Ե՞րբ են դիմում այս հետազոտությանը

• Ցավեր որովայնի ստորին հատվածում

• Քոր, այրոց արտաքին սեռական օրգանների շրջանում, արտադրություն հեշտոցից, տհաճ հոտի առկայություն

• Ցավեր սեռական հարաբերության ժամանակ

• Հղիության պլանավորում և հղիություն

• Գինեկոլոգիական պլանային հետազոտություններ 3-6 ամիսը մեկ անգամ

• Հակաբիոտիկներով, հորմոններով և հակաուռուցքային դեղորայքով երկարատև բուժում

• Սեռական զուգընկերոջ փոփոխություն

Ինչպե՞ս պատրաստվել հետազոտությանը

Մինչ բժշկին այցելելը նշված հետազոտության համար, անհրաժեշտ է՝

• Բացառել սեռական հարաբերությունը 1-2 օր

• Չօգտագործել ներհեշտոցային դեղամիջոցներ (մոմիկներ, կրեմներ) հետազոտությանը նախորդող 2 օրերի ընթացքում

• Հետազոտման օրը խորհուրդ չի տրվում միզել քսուկը վերցնելուց առնվազն 2-3 ժամ առաջ

• Ցանկալի է քսուկը հանձնել դաշտանից հետո 4-րդ-5-րդ օրը

Ինչպե՞ս են վերցնում քսուկը

Քսուկը վերցնում է բժիշկ-գինեկոլոգը մեկանգամյա օգտագործման գործիքով երեք կետից՝ միզուկ, արգանդի վզիկ, հեշտոց: Պրոցեդուրան անցավ է և բարդություններից զերծ: Քսուկը թույլ է տալիս պատկերացում կազմել ինչպես նորմալ, այնպես էլ ախտածին մանրէներին մասին, նաև բորբոքային պրոցեսների առկայության և դրանց արտահայտվածության մասին:

Մեկ այլ կարևոր հետազոտություն է PAP-քսուկը, ինչը վերցվում է արգանդի վզիկից և կատարվում է վզիկում ատիպիկ բջիջների վաղ հայտնաբերման նպատակով: Ատիպիկ բջիջները նախաքաղցկեղային վիճակի մասին են վկայում և դրանց վաղ հայտնաբերումը թույլ է տալիս ժամանակին հայտնաբերել արգանդի վզիկի քաղցկեղի առաջացումը ու հասնել լիարժեք բուժական արդյունքի:

PAP-քսուկի հետազոտությունը պետք է լինի պարբերական կնոջ կյանքի ընթացքում: Ստորև ներկայացնում ենք PAP-քսուկի հետազոտման ժամանակացույցը՝

Ի՞նչին են ուշադրություն դարձնում քսուկում

• Լեյկոցիտների քանակին

• Էրիթրոցիտների քանակին

• Հեշտոցի միկրոֆլորայի (օգտակար միկրոբների՝ լակտոբակտերիաներ) վիճակին

• Ախտածին միկրոբների (գոնոկոկ, տրիքոմոնադ և այլն) և սնկերի առկայությանը

Հեշտոցային քսուկի զննման միջոցով կարելի է հայտնաբերել հեշտոցի ախտահարման հետևյալ տեսակները՝

• Տրիքոմոնադային վագինիտ (սեռավարակ)

• Բակտերիալ վագինոզ (գերդներելա մանրէով պայմանավորված սեռավարակ)

• Քլամիդիայով պայմանավորված վագինիտ (սեռավարակ)

• Կանդիդա ցեղի սնկերով պայմանավորված վուլվովագինիտ

• Վիրուսային վագինիտ

• Ատրոֆիկ վագինիտ (հաճախ էստրոգենների պակասի հետևանքով)