Ի՞նչ ուտել քնելուց առաջ և ի՞նչ չանել երեկոյան

Ի՞նչ ուտել քնելուց առաջ.

• Առավել նախընտրելի է ուտել քնելուց մոտ 2 ժամ առաջ, որպեսզի օրգանիզմը չհասցնի սովածանալ: Այդ ժամանակահատվածում սնունդը կսկսի ստամքսից տեղափոխվել աղիներ:

• Երբեմն բավարար է խմել մեկ բաժակ ջուր կամ թեյ (կանաչ թեյ կամ երիցուկի թեյ): Էլ ավելի լավ է քնելուց առաջ խմել մասուրի թուրմ, ինչը կնվազեցնի սովի զգացողությունը

• Եթե վախենում եք գիշերային շատակերությունից, ապա ցանկալի է քնելուց առաջ օգտագործել քիչ քանակով չիր կամ ընկույզ, որոնք պետք է դանդաղ ծամել:

• Այլ տարբերակ է ընթրիքի փոխարեն օգտագործել թարմ մրգեր` դրանք կտրատելով մանր կտորների և դանդաղ ուտելով:

• Հատկապես նրանք, ովքեր շատ են մտահոգվում իրենց կառուցվածքի համար առավել ցանկալի է քնելուց առաջ օգտագործել ցածր կալորիականությամբ սպիտակուցային սնունդ (օր.՝ կաթ, կեֆիր, յոգուրտ և այլն):

• Կարելի է ուտել նաև բանջարեղենային սուպ, օրինակ կրեմ-սուպի տեսքով:

• Նաև նախընտրելի են բանջարեղենային թեթև ուտեստներ՝ աղցաններ պատրաստված գազարից և խնձորից կամ բազուկից և ընկույզից: Միայն թե պետք չէ ավելացնել մայոնեզ և ձեթ:

• Ուշ ընթրիքի մեկ այլ լավ տարբերակ է ոչ յուղոտ հավի, հնդկահավի, ձկան մսի և այլ ծովամթերքի օգտագործումը (եփված կամ շոգեխաշած):

• Կարելի է բավարարվել նաև 1-2 խաշած կարտոֆիլով, թեկուզ կաթով տրորած տարբերակով:

• Եթե տարատեսակ ապուրների սիրահար եք, ապա կարող եք օգտագործել վարսակի ապուր՝ ավելացնելով կաթ և մեղր:

• Քաղցրավենիքից խորհւորդ է տրվում միայն մեղրը, այն էլ մեկ գդալ:

Ի՞նչ չի կարելի անել երեկոյան.

• Խուսափեք երեկոյան ճարպոտ և տապակած ուտեստներից:

• Խուսափեք տարբեր բաղադրամասերից բաղկացած բարդ ուտեստներից:

• Խուսափեք կծու, աղի, սուր և ախորժակը գրգռող ուտեստներից:

• Խուսափեք քաղցր ուտեստներից